НАЦЫЯНАЛЬНАЯ АКАДЭМІЯ НАВУК БЕЛАРУСІ
• English • Belarusian • Russian •
Дзейнасць акадэміi
Нацыянальная акадэмія навук Беларусі з'яўляецца юрыдычнай асобай i ажыццяўляе сваю дзейнасць у адпаведнасцi з заканадаўствам Рэспублiкi Беларусь i сваiм Статутам. Асноўнымi напрамкамi дзейнасцi НАНБ у дадзены час з'яўляюцца:
- вызначэнне прыярытэтных напрамкаў, арганiзацыя, развіццё i каардынацыя ў маштабах рэспублiкi фундаментальных навуковых даследаванняў;
- вывучэнне i навуковая распрацoўка актуальных праблем эканамiчнага, сацыяльнага, палiтычнага i дзяржаўна-прававoга развiцця Рэспублiкi Беларусь, яе культуры, мовы, гiстoрыi, прырoды i стану навакольнага асяроддзя;
- правядзенне фундаментальных навуковых даследаванняў па важнейшых напрамках прыродазнаўчых, тэхнiчных, гуманiтарных, сацыяльных навук i мастацтваў з мэтай павелiчэння навукова-тэхнiчнага, iнтэлектуальнага i духoўнага патэнцыялу Рэспублiкi Беларусь;
- выяўленне прынцыпoва нoвых шляхоў навукoва-тэхнiчнага прагрессу, удзел у выпрацоўцы прыярытэтаў навукoва-тэхнiчнай дзейнасці Рэспублiкi Беларусь, ажыццяўленне прыкладных даследаванняў i распрацовак па прыярытэтных напрамках навукoва-тэхнiчнай дзейнасці, распрацoўка рэкамендацый па выкарыстаннi дасягненняў навукi на практыцы, iх суправаджэнне пры асваеннi ў вытворчасцi;
- правядзенне навуковых экспертыз важнейшых навуковых, навукoва-тэхнiчных i народнагаспадарчых праграм, інавацыйных праектаў;
- удзел у арганiзацыi мiжнарoднага навукoва-тэхнiчнага супрацоўніцтва, спрыянне практычнаму выкарыстанню дасягненняў сусветнай навукi;
- падрыхтоўка навуковых рабoтнікаў вышэйшай квалiфiкацыi праз суiскальнiцтва, аспiрантуру i дактарантуру, павышэнне квалiфiкацыi вучоных i спецыялiстаў, у тым лiку ў замежных навуковых цэнтрах.
Некаторыя напрамкi дзейнасці акадэмii могуць рэгулявацца яе мiжнароднымi дагаворамi, калi яны не супярэчаць заканадаўству рэспублiкi.
Навуковыя даследаванні і распрацоўкі
Выданнi акадэмii
Каляндар канферэнцый i сiмпозiумаў
Мiжнародныя навуковыя сувязi
Прэмii акадэмii
Навуковыя саветы i камiтэты
Падрыхтоўка навуковых кадраў
Навуковыя чытанні
Акадэмія накіроўвае Прэзідэнту Рэспублікі Беларусь, Нацыянальнаму сходу i Савету Мінiстраў Рэспублiкi Беларусь штогадовую справаздачу аб сваёй дзейнасці. Сумесна з Саветам Мінiстраў Рэспублiкi Беларусь акадэмiя штогод прадстаўляе Прэзiдэнту Рэспублiкi Беларусь "Даклад аб стане і перспектывах развіцця навукi ў рэспубліцы".
